يوميات كريم الحلقة الرابعه

`'·.¸ (`'·.¸*¤* ¸.·'´) ¸.·'´)
الحلقة الرابعه
(¸.·'´ (¸.·'´*¤* `'·.¸) `'·




__ كريم يروح البيت يلاقى خناقة كل يوم مع ابوه __

ابو كريم :اهلا ..انت جيت يا بيه ؟

كريم فى سره : يييييييييه .. اهى الخناقه بدأت , بس بدأت بدرى انهارده.

كريم : ايوه جيت يا بابا .

ابوه : ايه اللى أخرك ؟

كريم : كنت واقف شويه مع ميدو وعلاء.

ابوه: انا مش قولتلك 100 مره بلاش تقف مع شوية العيال الصيع دول ؟

كريم : يا بابا ......

ابوه يقاطعه : قولت ولا مقولتش ؟ رد ؟

كريم : ايوه قولت .

ابوه: واما انا قولت كلامى مش بيتسمع ليه ؟ يلا غور على اوضتك ..

كريم فى سره : هون يا رب .

ابوه : بتبرطم بتقول ايه يا زفت انت ؟

كريم : مش بقول .

_ أم كريم تدخل على صوت الخناقه _

امه :ايه فى ايه ؟

كريم : مفيش يا ستى

أكرم : الواد ده لو ما اتعدلش انا هعرف شغلى معاه

امه : طب يلا تعالوا عشان الغدا جهز

كريم : انا مش هاكل

امه: ليه بس

كريم : مليش نفس

_ كريمان سامعه الحوار كله ودخلت تهدى النفوس ( كالعاده ) _

كريمان : خلاص يا ماما عنه ما كل وفر

كريم :اخرسى يا بت انتى

كريمان : ايه هو انا كلمتك انت ؟!

امه : ما تيجى تاكل يا ابنى ,دا انت حتى مفطرتش

كريم : قولت ماليش نفس ,انا هغور اتخمد .

_ دخل كريم يتخمد ( هو اللى قال ) وصحى علشان يروح كورس _

_ راح كريم الكورس عند المدرس اللى بيروح عنده كل سنه ,وكل سنه بيشيلة الماده هيا هيا _

_ بعد الكورس تليفون كريم يرن يلاقى سندس ( ودى طبعا البنت اللى بتحب كريم وهو ولا بيعبرها ) _

سندس : كريم انا عايزة اشوفك عايزة اتكلم معاك ضرورى


كريم : خير فى ايه ؟

سندس : لما اشوفك هبقى اقولك

كريم : طيب خليها بكرة فى الجامعة الساعه 12

سندس :اوك ما تتاخرش هستناك عند المربع


_ تانى يوم كريم وهو نازل رايح الميعاد بتاع سندس اللى اتفقوا عليه امبارح _

فجاة لقى حلا بترن عليه

"حلا دى بقى تبقى البت بتاعة كريم وبيحبوا بعض موووووووت"


_ رد عليها لقاها بتبكى _

حلا : انا عايزة اشوفك دلوقتى ضرورى

- كريم بصوت مخضوض -

كريم : طب اهدى وقوليلى مالك حصل ايه ؟

حلا : شوفت منصر صاحبك عمل ايه

to be continued

انا مش هقدر استنى لبكره على فكره لغايه لما الحلقه الخامسه تنزل
يبقى نعمل اتفاق
الحلقه الرابعه كان المفروض تنزل امبارح والنهارده الخامسه
يبقى لازم تنزل الاتنين بليييييييييييييييييييييييييييييييييييز

ماليش دعوه وانا راي كده برده وبعدين انا استنيت كتير امبارح ومنزلتهاش مجهودك جميل وقصه فعلا حلوه وانا مشتاقه اعرف ايه بعد كده

لامنتو لو بتهتموا باحمد شوية ومقالاتة كان زمانو نزلها بسرعة بس يت جماعة عيب كدة ردوا على مواضيعنا
بجد القصة حلوة يا مايو وانا عارفة منصر عمل اية وشكلها هتكون خناقة جامدة وممكن وصل للموت

يا عيني علي التشويق والاثاره
انت كده بتشوقنا اكتر يا مايو

منورة يا يارا انتي ونور والله مش بايدي انا لو نزلت الحلقة الخامسة النهرده مش هنزل حلقات لمدة يومين ها نتفق علي كده يانور هاي ايه رأيك يايارا وزي ما سندريلا بتقول مفيش اهتمام بمواضيعنا ونورت التوبيك ياخالد

مرسي اوي علي مجهودك يا مايو

اي خدعه ياميدو

جميل يا احمد حلقات جميلة انا هتبعك عشان اعرف هتودين لحد فين بس يا ريت تبقى كويسة يا بنى
تخرج شوية عن الاطار الرومانسى او الحب اوك عشان شكلها كدة هتدخل فى الاطار دا

الحلقه الخامسه يا مايو

ياترى راح لمين ياحمد للى بتحبه ولا اللى هو بيحبها
هههههههههههههه
وبعدين ونعم الاخوات يااحمد كريمان
ههههههههههههه

ميرسي ياوليد وميرسي يا يارا ونورتي يالوجينا