`'·.¸ (`'·.¸*¤* ¸.·'´) ¸.·'´)
الحلقة الثالثة عشر
(¸.·'´ (¸.·'´*¤* `'·.¸) `'·
- تانى يوم كريم اترحل على النيابه -
- فى نفس الوقت تقريبا سندس تصحى على صوت الموبايل بيرن -
سندس : ايوه مين ؟
الصوت : مش عارفه صوتى ؟
سندس : اه .. عملت ايه ؟ طمنى ؟
الصوت : خلاص .. العصفور دخل القفص
الصوت : خلاص .. العصفور دخل القفص
- علاء وميدو طبعا راحوا لمنصر امبارح وخدوه على القسم اللى اتحجز فيه كريم .. بس مقدروش
--- يقابلوه عشان الظابط قال لهم ان دا متهم وهيترحل بكره على النيابه -
- علاء وميدو ومنصر رووحوا وتانى يوم راحوا النيابه -
- الـــ 3 اصحاب يلاقوا ابو كريم وامه طبعا على باب وكيل النيابه -
ابو كريم : منصر يا ابنى . هو صحيح كريم ابنى هو اللى اعتدى عليك ؟
منصر : لأ طبعا يا عمو كريم لايمكن يعمل كده
ابو كريم : ربنا يطمنك يا ابنى
منصر للعسكرى اللى على باب وكيل النيابه : لو سمحت ممكن اقابل السيد وكيل النيابه ؟
العسكرى : لأ مش ممكن .. عشان عنده تحقيق دلوقتى
منصر : ماهو انا جاى عشان التحقيق ده .. مش قضية كريم اكرم كارم
العسكرى : ايوه
منصر : طيب ادى الباشا خبر ان انا المجنى عليه
العسكرى : هو لو عايزك هينادى عليك .. خلاص
- طبعا كريم جوه عند السيد وكيل النيابه من 7 صباحا -
وكيل النيابه : اسمك وسنك وعنوانك
كريم : كريم اكرم كارم .. 20 سنه .. ساكن فى شارع الملاهى نمره 22
وكيل النيابه : تعرف شخص اسمه ياسر محمود عبد المنصر ؟
كريم : ايوه يا فندم دا صاحبى
وكيل النيابه : هل فى خلاف بينكم الفتره اللى فاتت ؟
كريم : لا يا فندم خالص
وكيل النيابه : فى بلاغ متقدم ضدك من واحد مرضيش يعلن عن اسمه بيقول ان
فى خلاف بينك وبين ياسر محمود عبد المنصر وانك من 3 ايام
اعتديت عليه بالضرب باستخدام سلاح ابيض .. ايه اقوالك ؟
كريم : هو صحيح يا فندم فى خلاف بينا لكن
- وكيل النيابه يقاطعه -
وكيل النيابه : امال ليه انكرت فى الاول ؟
كريم : يا فندم هو فى خلاف لكن زى اى اتنين اصحاب ما بيتخانقوا .. لكن عمر الامور ما توصل بينا للدرجادى
- منصر بره مصر انه يدخل قبل ما السيد وكيل النيابه ما يتخذ اى اجراء ضد كريم -
- الباب يخبط -
وكيل النيابه : ادخل
العسكرى : المجنى عليه ياسر محمود عبد المنصر عايز يقابل سيادتك يا فندم
وكيل النيابه : خليه يدخل
- يدخل منصر -
وكيل النيابه لمنصر : اتفضل اقعد
منصر : يا فندم انا سبق وقولت فى محضر الشرطه ان كريم بريئ
وان واحد تانى هو اللى طلع عليا بالليل وضربنى لما مرضتش اديله فلوسى .. واديت اوصافه لظابط المباحث اللى حقق معايا
- بعد اقتناع السيد وكيل النيابه بأقوال منصر -
وكيل النيابه : وقد قررنا نحن عبد الرحمن مصطفى وكيل النيابه الافراج عن السيد كريم اكرم كارم
من سرايا النيابه وبدون ضمانات ما لم يكون مطلوبا على زمة قضايا اخرى ... امضى هنا
- بعد الافراج عن كريم -
امه : ابنى هيعملوا فيك ايه ؟
منصر : اطمنى يا طنط خلاص كريم طلع براءه
كريم : انا متشكر يا منصر
- منصر مش طايق كريم طبعا ومعبروش خالص -
كريم : انا اسف يا منصر على كل اللى حصل منى
منصر بضيق : يلا يا علاء
- كريم يحس طبعا ان منصر مش طايقه وعرف غلطه ومضايق جدا -
علاء : ايه انتوا لسه زعلانين ولا ايه ؟
منصر : هتمشى معايا ولا اخد ميدو
ميدو : هو ميدو دا تاكس .. ارحموا .. من القسم للنيابه وانا على لحم بطنى
منصر : طب يلا يا ميدو
كريم : روح معاهم يا علاء .. انا هروح مع ابويا
- كريم يروح البيت مع ابوه وامه -
- كريم يروح يلاقى تليفون من حلا -
حلا : ايه اخبارك يا كريم ؟ انا بقالى يومين مش عارفه اوصلك ؟
كريم : مفيش حاجه
حلا : هو انت صحيح اللى ضربت منصر ؟
كريم بأرف : ايوه انا
حلا : انت ؟!! انا مصدقتش لما سندس قالتلى
كريم : لا صدقى .. مش انتى اللى كنتى عايزه كده .. افرحى بقى
حلا : انا ؟!!
كريم : دلوقتى بقى انتى عايزه ايه ؟
حلا : ايه الطريقه اللى انت بتعاملنى بيها دى ؟
كريم : اذا كان عاجبك
حلا : عاجبنى !! لا لا لا .. انت اكيد شارب حاجه .. مستحيل تكون انت كريم اللى انا اعرفه
كريم : قصدك ايه ؟ انا عارف انا بقول ايه
حلا : يا ابنى انت
كريم يقاطعها : ادينى خسرت اعز اصحابى بسببك
حلا : انا قولتلك اتصرف .. بس مكانش لازم الامور توصل بينكوا للدرجادى
كريم : توصل بقى ولا متوصلش .. اللى حصل حصل .. انتى عايزه حاجه بقى دلوقتى
حلا : شكرا يا كريم .. بس خلى بالك من نفسك ..سلام
كريم : بعد ايه بقى !!! ماشى سلام
- حلا تقفل معاه وهى منهاره -
- كريم يقفل مع حلا ويدخل ينام -
- كريم يصحى من النوم بالليل يكلم سندس -
كريم : ايوه يا سندس انتى فين .. ينفع اقابلك دلوقتى عايز احكى معاكى شويه
سندس : دلوقتى مش هينفع الوقت متأخر
كريم بضيق : خلاص .. خليها بكره فى الجامعه
سندس : خلاص ماشى
كريم : الساعه 12 فى المربع
سندس : خلاص اوكى .. عايز حاجه
كريم : لا شكرا ربنا يخليكى .. سلام
- تقفل سندس مع كريم تلاقى تليفون من على ممس ( ALI MEMES ) -
ومعلش ياجماعه مش فاضل غير حلقتين وهنزلهم بكره علشام حصلت ليا ظروف كده هتخليني اغيب فترة عنكوا بس هتوحشوني