يوميات كريم الحلقة الثانية عشر

`'·.¸ (`'·.¸*¤* ¸.·'´) ¸.·'´)
الحلقة الثانية عشر
(¸.·'´ (¸.·'´*¤* `'·.¸) `'·



- حلا بسرعه تتصل على موبايل كريم تلاقيه مغلق .. وتكلم كريم فى البيت متلاقيهوش -

- علاء يطلب ميدو عشان يقبلو كريم حسب الميعاد -

علاء : ايوه يا ميدو ..بقولك ايه البس عشان هعدى عليك وننزل

ميدو : هنروح فين ؟

علاء : هنقابل كريم

ميدو : مين !!! كريم !! السفاح

علاء : سفاح ايه !! الله يخرب بيتك مش وقت هزار

ميدو : طب روح وابقى احكيلى اللى حصل

علاء : انجز

ميدو : طب نبلغ الاسعاف مقدما

علاء : يييييييييييييييييييييييه .. انا نازل لو عايز تيجى احنا فى الكافيه .. سلام

ميدو : طيب هودع اهلى واّجى على طول

- نزل علاء يقابل كريم ووراه ميدو وطبعا كريم هناك من ساعه -

كريم : ها يا علاء احكيلى

علاء : طب اخد نفسى

كريم : بقولك ايه انا مش مستحمل .. قول عرفت منين وايه اللى حصل امبارح

علاء : ابدا .. منصر كلمنى من المستشفى وقالى تعالى من غير ما تقول لأبويا

كريم : ها وبعدين

علاء : بس يا سيدى .. روحـــ

- يدخل ميدو ويقطع كلامهم -

ميدو : اهلا يا خُط

كريم : اقعد من سكات .. مش طلباك ..ها كمل يا عم علاء

علاء : روحــتله المستشفى وقالى ع اللى حصل .. وكلم ابوه وقاله ان واحد طلع عليه قلبه .. ولما منصر شد معاه ضربه

وقال نفس الكلام فى المحضر

كريم : محضر !!!

ميدو : ما تخفش .. ماتخفش .. طلع احسن منك ولا جاب سيرتك ..علشان تقدّر يا عم الناقص

كريم : وايه اللى وصلها للمحضر؟

ميدو : واحد ملقّح اّخر الليل سايح فى دمه .. لازم يبلغو البوليس .والبوليس يعنى محضر و س و جـ

علاء : يلا اللى حصل حصل .. بس انت غلطان من ساسك لراسك ولازم تروح لمنصر تتأسفله

كريم : بس انا مقدرش اوريله وشى بعد اللى حصل على الاقل تيجوا معايا

علاء : متقلقش طبعا هنكون معاك

ميدو : واحنا مجانين عشان نسيبكوا مع بعض تانى لوحديكوا

- بعد لقاء كريم بعلاء وميدو يروح وهو هادى ...شويه -

- بس برضو مضايق ان الامور توصل بينه وبين اعز صحابه لكده -

- وبعد ما روّح .. وهو على العشا جرس الباب يرن -

امه : ودا مين هييجى فى وقت زى ده !!! شوفى مين يا كريمان

كريمان : هو مفيش غيرى ف البيت ده

امه : يلا يا مقصوفة الرقبه

- كريمان فتحت الباب -

امه : مين يا بنت ؟

كريمان : الحقى يا ماما دا عسكرى

امه : استر يارب .. اكرم قوم شوف العسكرى اللى على الباب

ابو كريم : عسكرى !! وده عايز ايه ده

العسكرى : منزل كريم اكرم كارم

ابو كريم : ايوة هو

العسكرى : كريم موجود

ابوه : ايوة .. عايزه ليه ؟!!

العسكرى : كريم متهم فى قضية شروع فى قتل واحد اسمه .. اسمه منصر

ابو كريم : قتل !!!..انت بتقول ايه !!!

العسكرى : لو سمحت عايزين كريم ..وهتعرف كل حاجة فى القسم

ام كريم : قسم !!!

- ام كريم تقع ماكنها ومتحسش باى حاجة حواليها -

- كريم يدخل اوضته فورا ويكلم علاء عشان هو مبقاش فاهم اى حاجه -

كريم : الحقنى يا علاء

علاء : خير ياكريم

كريم : انت مش قولت انى منصر قــفّــل المحضر وانا خلاص براءة

علاء : ايوة يابنى حصل ..خير فى ايه

كريم : انا دلوقتى رايح على قسم ... بيقولوا انى متهم فى قتل منصر

علاء : ازاى يابنى !!!

كريم : زى ما بقولك كدة اعمل ايه قولى

علاء : متنطقش باى حاجة لحد ما نجيلك سامع ولا لا

كريم : حاضر .. بس خليك مع ابويا ياعلاء ضرورى

علاء : خلاص متقلقش .. بس زى ما فهمتك انا جايلك حالا

- العسكرى بيسحب كريم من سكات قدام عين ابوه وامه -

- ابو كريم بقى محتاس مش عارف يعمل ايه يقعد مع ام كريم اللى فى عالم تانى دلوقتى ولا يجرى وراء كريم -

علاء بيتصل بابو كريم : ايوة ياعمو متقلقش كريم لسة مكلمنى

ابو كريم : خير يا علاء يابنى ايه اللى حصل .. ايه اللى انا بسمعه ده .. كريم عمل ايه ؟

علاء : لا حضرتك مفيش حاجة .. منصر اتعور واتعرض للقتل فابيحققوا فى الجريمة دى فا هما بيجيبوا كل الناس اللى يعرفهم منصر علشان يحقق معاهم -

ابو كريم : كريم ابنى ما يقتلش .. انا مربيه كويس

علاء : ياعمو ما تقلقش انا زى ما قولتلك هو تحقيق بسيط معاه .. زى ما عملوا معايا انا وميدو

ابو كريم : انا هاروح القسم دلوقتى .. انا متاكد ان ابنى برئ

علاء : ما تخافش يا عمو احنا هنتصرف .. متقلقش

ابو كريم : ما اقلقش !!! ..انت بتقول ايه ابنى راح القسم ومقلقش .. وامه وقعت من طولها لما سمعت الكلام ده

علاء : حضرتك بس شوف طنط واحنا هنتصرف

- بعد عدة محاولات فى تهدئة الاوضاع داخل بيت كريم -

- علاء بيكلم منصر علشان يقوله على اللى حصل -

منصر : خير يا علاء

علاء : انت مش قولت انى انت المحضر خلص واتقيد ضد مجهول .. وكريم ملوش ايد فى اللى حصل

منصر : ايوة يابنى ..انت مش شوفت بعينك

علاء : المشكلة انى شوفت بعينى .. كريم اتاخد دلوقتى على القسم و بيحققوا معاه

منصر : ازاى !! انا خلصت المحضر

علاء : طب والحل يا منصر

منصر : انا خلاص خلصت المحضر .. مليش دعوة بيه

علاء : ايه يامنصر يعنى بعد كل اللى عملته .. مش عايز تكمل جميلك

منصر : انا عملت اللى محدش يقدر يعمله .. عايزنى اعمل ايه تانى يعنى

علاء : علشان خاطرى يا منصر .. الحق كريم .. دا مهما كان صاحبك

منصر : صاحبى ... حتى انت يعلاء بتقول كدة

علاء : كمل جميلك يامنصر .. كريم صاحبنا زى ما هو صاحبك ..علشان خاطر العشرة

منصر : العشرة !! وهو قدر العشرة

- علاء يقاطعه -

علاء : منصر مش وقت عتاب وكلام هتروح تشوف صاحبك ولا لا

منصر بعطف : خلاص هاروح واتصرف .. علشان خاطر العشرة يا علاء .. وانتوا طبعا

علاء : انت تقدر تتحرك وتروح لوحدك ولا اجيلك انا وميدو ؟

منصر : يا ريت تعدى عليا انت هو

علاء : ماشى يا باشا .. مش عارف اقولك ايه يا منصر

منصر : يلا بقى لا الواد يعدموه

علاء : هوا .. مسافة السكه

- قفل علاء من هنا وكلم ميدو -

ميدو : ايه يابنى فى حد يتصل فى وقت زى ده

علاء : بقولك ايه اصحى كدة وحياة ابوك مش وقت نوم

ميدو : امال وقت ايه .. اوعى يكون معاك حريم

علاء : حريم ايه !!... اصحالى .. كريم خدوه على القسم علشان متهم فى قتل منصر

ميدو : هو الواد ده مروهوش غير المصايب .. قتــل مين تانى

علاء : انت غبى ياض .. بقولك علشان منصر

ميدو : هو قتل منصر تانى

علاء : يووووووه ..غبى ..فعلا غبى

ميدو : مين منصرولا كريم ؟ !!!

علاء : بس بس .. البس انا هاعدى عليك اشرحلك كل حاجة فى الطريق

- كريم فى القسم قدام الظابط النبطشى -

الظابط : انت عاميلى فيها بلطجى ياض انت ؟!!

كريم : بلطجى ايه ياباشا !! انا فى حالى

الظابط : فى حالك ؟!! امال مين ياض اللى قتل الواد ؟!! امى !!

كريم : والله يا باشا ماحصل

الظابط : بس يلا .. بكره هنشوف .. يا عسكرى

العسكرى : تمام يا فندم

الظابط : ارمى الواد فى الحجز لبكره لما يترحل للنيابه

العسكرى : قوم معايا ياض انت

كريم بزعيق : والله يا باشا مش انا

الظابط : بطل دوشه ياض .. خده يا عسكرى انت واقف تتفرج

- ابو كريم بعد ما فوّق ام كريم وهديت -

امه ببكاء : ابنى .. ابنى يا اكرم .. لازم تشوفه روحله دلوقتى

ابوه : اروحله فين دلوقتى بس !!

امه : معرفش .. ابنى لازم يبات فى البيت

ابوه : طب اهدى دلوقتى والصباح رباح

امه : ابنى فى السجن وتقولى الصباح الرباح .. يعنى انزل ادوّر عليه انا

ابوه : تنزلى فين دلوقتى .. انتى اتجننتى

امه : كلم حسين ابن اخوك يشوف حل

ابوه : حاضر حاضر بس اهدى انتى

To Be Continued

جميلة قوووووووووووووى يااحمد وعجبنى دور منصر اللى قدر العشرة وكريم مش قدرها
وبعدين اكيد حلا اللى عملت كده

هايله يا مايو وميرسى لانك طولت الحلقه ميرسى جدااااااااااااااااااااااا

نورتي الموضوع يالوجينا وكمان يارا واي خدعه

الله جميلة جدا يا احمد وطمنى على النتيجة
بقا
بتاعتك
بس مش حلا
دى سندس وحلا الاتنين مع بعض
وطبعا عشان يارا القمر تتهد الدنيا وتتبنى قصر للملكة يارا

اية يا عم احمد الجمال دة بس انا فين فى الحوار دة اعملى اى حاجة كدة صغيرة يا عم احمد فى المسلسل دة ان شاء الله حتى دور واحد اتشاهد واموت فية
ههههههههههههههههههههههههههههه

انت بتشوقني لكل حاجه كده ده حرام نتيجتك ويوميات كريم بس ميرسي اوي على انك طولتها والله بس برده مستنيه بكره

نورتي يابوسي وميرسي علي ردك وياعم محمود انت مقلتش من بدري بس في ادوار في المسلسل الجاي الحق احجز واديكي هتعرفي كل حاجة يانور بس اصبري

وانا يااجمد بحجز اهو داانا الخير والبركه بس ياريت يكون دورى خناقه بينى وبين محمود عشان اقطعه
عشان مايبقاش يغلط فى بلدى تانى
هههههههههههههههه

خلاص يالوجينا بس اقفي في الصف بقي احنا ورانا شغل امال متعطلنيش والخناقة عايزاها نوعها ايه موت ولا جروح بسيطه

لالالالالالالالالالالالالالالالالا
حرام
لوجينا هتموت
لا بس اوعى تموتى
ممود
دة الغالى ابن الغالى

انا لسه مقلتش موت ولا حاجة انا مدي خيارات ولوجينا هي اللي عايزة تعمل خناقة مع محمود انا مالي بقي

اضطريت اقرا ال12حلقة يااحمد وبجد مشوووووووووووووووووووووقة جداااااااااااااااا وجمييييييييييييييييييلة اوووووووووووووى بس فين النتيجة؟؟؟؟؟؟هتظهر امتى

خليها جروح بسيطه
احسن يموتتتتتتتتت
ههههههههههههه

نورتي ال12 ياهبه والنتيجة ظهرت خلاص والحمد لله وخلاص نخليها جروح بسيطة يالوجينا